Цаг уурын мэдээ > Хөдөө аж ахуйн цаг уурын тойм
2023 ОНЫ 8 ДУГААР САРЫН ЭХНИЙ АРАВ ХОНОГИЙН ЦАГ АГААРЫН НӨХЦЛИЙН ТОЙМ
/ 2023 оны 07-р сарын 31-нээс 2023 оны 08-р сарын 10-ны өдрийг хүртэл /
Температур: Агаарын дундаж температур нийт нутгаар 22.0-29.0 градус дулаан /1 дүгээр зураг/, олон жилийн дундажтай харьцуулбал Дэлгэрэх сумын нутгаар 0.3 градусын орчим, бусад нутгаар дунджаас 3.2-5.1 градусаар дулаан байлаа. /2 дугаар зураг / Үнэмлэхүй их температур өдөртөө Замын-Үүд сумын нутгаар 38 градус дулаан, үнэмлэхүй бага температур шөнөдөө Замын-Үүд, Иххэт сумдад 12 градус дулаан байв. Хөрсний гадаргын дундаж температур нийт нутгаар 29-37 градус дулаан, үнэмлэхүй их температур өдөртөө Дэлгэрэх суманд 64 градус дулаан, үнэмлэхүй бага температур шөнөдөө Иххэт суманд 10 градус дулаан байлаа.
Хур тунадас: Энэ 10 хоногт Мандах суманд 31.9 мм, Сайхандулаан суманд 21.1 мм, Айраг суманд 9.5 мм, Дэлгэрэх сумдад 6.5 мм, Өргөн, Хөвсгөл сумдад 6.0 мм, Иххэт суманд 5.8 мм, Хатанбулаг суманд 5.1 мм, Эрдэнэ суманд 3.7 мм, Сайншанд суманд 2.7 мм, Улаанбадрах суманд 2.0 мм, Замын-Үүд суманд 0.3 мм бороо, аадар бороо орлоо / 3 дугаар зураг /. Орсон хур тунадасны нийлбэрийг олон жилийн дундажтай харьцуулахад: Сайншанд, Замын-Үүд, Хөвсгөл, Эрдэнэ, Улаанбадрах, Хатанбулаг сумдын нутгаар дунджаас бага, Дэлгэрэх, Иххэт сумдын нутгаар дунджын орчим, бусад нутгаар дунджаас ахиу байлаа. / 4 дүгээр зураг /
Салхи: 10 хоногт салхины хамгийн их хурд Эрдэнэ суманд 21м/с, Хөвсгөл суманд 20м/с, бусад сумдын нутгаар 9-17м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. 10 м/с-ээс дээш салхитай өдрийн тоо нийт нутгаар 1-7 өдөр байв.
Бэлчээрийн ургамал: 7 дугаар сарын сүүлчийн 10 хоногийн байдлаар бэлчээрийн ургамлын дундаж өндөр 2-14 см байна. Бэлчээрийн ургамлын ургалтын байдлыг сумын нутгийн 4-н зүгээр үнэлэхэд Дэлгэрэх сумын нийт нутгаар, Эрдэнэ сумын зүүн, хойд, Иххэт сумын зүүн, Айраг сумын хойд, Өргөн сумын зүүн, өмнө, Хатанбулаг сумын хойд, өмнө, зүүн хэсгээр ургамлын ургалтын байдал хэвийн, Мандах, Сайхандулаан, Хөвсгөл сумдын нийт нутгаар, Сайншанд сумын хойд, зүүн, өмнө, Эрдэнэ сумын баруун, өмнө, Айраг, Иххэт сумдын баруун, өмнө, Алтанширээ сумын баруун, хойд, зүүн, Өргөн сумын баруун, өмнө, Хатанбулаг сумын баруун хэсгээр ургамлын ургалтын байдал дунд, Замын-Үүд сумын нийт нутгаар, Улаанбадрах сумын өмнө хэсгээр ургалтын байдал муу байна.
МАА-н үйлдвэрлэлд: Малын ноос хяргах, сааль сүү бэлтгэх ажил үргэлжлэн хийгдэж байна. Малын усан хангамж ихэнх нутгаар дунд зэрэг байлаа.